Невремето со пороен дожд и град кое кон крајот во февруари ја зафати општина Гевгелија и траеше пет дена поплави 22 хектари со градинарски култури, овошни и лозови насади, станбени и помошни објекти како и дел од системот за наводнување „Вардарска долина“.
Општинската комисија за проценка и утврдување на штети од елементарни непогоди денеска соопшти дека невремето предизвикало штети во висина од 14,8 милиони денари кај 100 физички и шест правни лица.
Предлог Елаборатот во кој се регистрирани и утврдени пријавените штети, Комисијата го достави на разгледување и усвојување до општинскиот Совет кој по него ќе расправа на седницата закажана на 26 април.