Две лица рано утрово фрлиле запалива течност врз угостителски објект во старата скопска чаршија, предизвикувајќи пожар кој сепак не го зафатил објектот, а огнот се изгаснал, соопшти полицијата.
„На 16.07.2021 во 10.30 часот во СВР Скопје А.Р. пријавил дека на ул.„Казанџиска“ во 03.20 часот, во неговиот угостителски објект настанал пожар, откако две лица фрлиле запалива течност. Огнот за кратко време сам се изгаснал, а во инцидентот нема повредени лица, ниту поголема штета. Се преземаат мерки за расчистување на случајот“, се вели во полицискиот билтен.