Две непознати лица вчера попладне го нападнале 71-годишниот М.С. во скопското село Кучевиште.
Полицијата информира дека во 13,57 часот, Д.С. пријавил дека во село Кучевиште, Скопје, неговиот татко М.С.(71) бил физички нападнат од страна на две непознати лица кои биле со патничко моторно возило.
М.С. со возило на итна медицинска помош е пренесен во Ургентен Центар-Скопје-КАРИЛ, каде се констатирани тешки телесни повреди во главата и е во неконтактибилна состојба. Се преземаат мерки за откривање на сторителите и расчистување на случајот.