Нема повторно да се воведе задолжителниот воен рок во Македонската армија.
Ставот дека не е потребно редовно служење војска туку оптмизирање на доброволниот состав, продолжува да важи и со доаѓањето на новиот Министер за одбрана, Талат Џафери.
Според заменик-министерот за одбрана Емил Димитриев, кој присуствуваше на положувањето заклетва на 18-та генерација доброволци, во овој состав ќе бидат примени онолку војници, колку што е потребно.
Инаку, во текот на изминатиот период, беше актуелизирано прашањето за враќање на задолжителниот воен рок, кое не наиде на поддршка од Министерството за одбрана.
