На местата кои до сега беа слободни за паркирање во центарот на Охрид, сега се наплаќа за користење на паркинг просторот. Од пред неколку денови, на Градскиот полигон кој граѓаните го користеа огромниот простор, Јавното претпријатие „Билјанини Извори“ почна да им наплаќа на оние кои ги оставаат своите автомобили тука.
Одлука за почеток на наплата на тој паркинг простор од страна на Советот на Општина Охрид се уште нема. Од опозиционата СДСМ потенцираат дека додека тие беа ја предводеа локалната власт во Охрид, дека граѓаните имаа и слободен паркинг каде што можеа да ги оставаат своите автомобили.
Координаторот на советничката група на СДСМ обвини дека Локалната самоуправа предводена од ВМРО – ДПМНЕ ги остава граѓаните на Охрид без можност за бесплатно паркирање.
Денес, локалната власт, предводена токму од ВМРО – ДПМНЕ почна да наплатува паркинг и на просторот на кој можеше слободно да се паркира. Примери за тоа се воведувањето на наплата за паркирање кај поранешниот Градски полигон и кај Центарот за обука на вода. Тоа се делата на ВМРО – ДПМНЕ во Охрид – вели Јован Стојановски, координатор на Советничката група на СДСМ.
А1он претходно пишуваше и за незаконската промена односно покачување на цените за користење на паркинг просторот, исто така без одлука на Советот на Општина Охрид. За секоја промена на цените, на зоните и за секој простор за наплата на паркинг одлука треба да донесе Советот кој многу пати беше прескокнат.
Ф.Ј.