Нема смртност кај свињите кои се одгледуваат на фармата во која еден работник почина, а друг е во тешка состојба по труење со хемиска материја

Од:

Ветеринар од Агенцијата за храна и ветеринарство на повик на Министерството за внатрешни работи ( МВР) извршил увид на свињарската фарма во село Амзибегово, светиниколоско, каде што двајца работници се затруле од хемиска материја, а едниот почина на самото место.

„Од аспект на надлежност на Агенцијата за храна и ветеринарство, со надзорот не е утврден проблем во однос на здравствената заштита на животните – свињите кои се одгледуваат на фармата, односно, не е евидентирана смртност кај животните. АХВ изразува жалење за несреќниот настан“, велат од АХВ.

Според првичните информации, работниците се затруле од хемиска материја. Едниот починал на самото место, а другиот е пренесен на Клиниката за токсикологија и според првичните медицински наоди, се здобил со оштетување на мозокот. Засега нема детали за каква конретно материја станува збор, но најверојатно се работи за амонијак.

СВР Штип го потврди случајот кој бил пријавен вчера околу 11 часот.

„На самото место починал работникот О. Т. роден 1978 година, а второто лице, односно работник С. Ј. роден 1971 година е пренесен во комплекс клиники ‘Мајка Тереза’ во Скопје“, вели портпаролот на СВР Штип, Гордана Панајотова.

Би можело да ве интересира

Четири работнички од Непал му избегале на газдата во Прилеп, случајот пријавен во полиција

Орце Костов

Зголемен бројот на работниците во индустријата

Десетгодишни близнаци се пронајдени мртви во куќа во Романија

Ваучери за брак, слободен ден за роденден: Дефицитот од работници ги принуди фирмите да ги зголемат бонусите

Орце Костов

Група деца се затруле со чист алкохол во Белградски клуб: Последиците може да бидат страшни

А1он

Работниците со ниски приходи ќе добијат 3.555 ваучери за туризам од 300 евра

Орце Костов