Не е исправна водата за пиење од чешмите во населените места Плетвар и Старо Лагово, соопштуваат од локалната самоуправа на Прилеп повикувајќи се на информациите од прилепскиот Центар за јавно здравје.
Според препораките од Центарот за јавно здравје водата од овие чешми не смее да се користи за пиење, без да се преврие најмалку 10 минути.
Центарот за јавно здравје од Прилеп врши редовни анализи на квалитетот на водата за пиење од јавните чешми во населени места, каде нема водоводи со кои стопанисува ЈКП „Водовод и канализација“.