Седумдесет години постоење одбележа денеска во локалната библиотека „Страшо Пинџур” во Неготино. На свечен начин беа прогласени нај читателите за лето 2015.
– Нашата приказна започна во 1945 година, во времето кога светот беше црно – бел и полека почнуваше да се обојува во трка со технологијата. Денес сме преплавени со бои но нешто остана црно – бело, црното мастило и белата хартија, кои ја имаат најголемата моќ да произведат безбројни нијанси, да поврзат безбројни светови и соништа се уште неотсонувани, рече директорката Катерина Данаилова.
По повод јубилејот, денешниот ден беше прогласен за ден на поезијата, па секој посетител во градската библиотека добива подарок збирка поезија.