Не се знае колку пати автобусот на „Беса транс“ превезувал патници без лиценца, ниту дали е правена контрола во компанијата

Од:

Институциите не знаат колку пати автобусот на „Беса транс“ вршел превоз на патници во и надвор од Македонија. Нема одговор ниту колку пати е направена контрола во компанијата од страна на инспекторатот за транспорт. Министерот за транспорт и врски, Благој Бочварски, кажа дека при излегување од државата, Царинската управа требало да прави редовна контрола при секое напуштање на државата со патници.

„Контрола на транспортните компании врши Државниот инспекторат за транспорт. Контролите се прават по пријава или вонредна контрола. Таа компанија може да биде исконтролирана на граничните премини. Не знаеме колку пати ова возило ја напуштило државата и вршело транспорт. Треба документацијата да биде исконтролирана на границите од страна на Царинската управа. При излегување да бидат побарани сите документи, а ако не ги поседува, треба да биде запрен“, кажа Бочварски додавајќи дека една лиценца која ја издава Министерството за транспорт и врски важи пет години.

Тој нема информации дека во автобусот имало канти со нафта и додаде дека доколку е така, треба тоа да го утврди истрагата.

„Техничката исправност на возилата не ја утврдуваме ние. Тоа се контролира кога се дава согласност и контрола на техничката исправност на самото возило. Ние добиваме документација од тие компании за тоа дали и колку техничка исправност има возилото за да врши превоз на патници. Има разни типови на превоз, со 12,15,19 седишта. Зависно од спецификацијата. Таа регистрација ја врши МВР по извршен техники преглед. Потоа, се аплицира за дозволи за превоз на патници“, кажа Бочварски.

Би можело да ве интересира

Европратеникот Илхан Ќучук го посети ОУ „Исмаил Ќемали” во Чаир

Ана Ололовска

Филипче: Двајцата пациенти се стабилни, хоспитализирани на Пластична хирургија

Ана Ололовска

Бугарска министерка: Пожарот во македонскиот автобус е многу чуден, почнал многу брзо

Ана Ололовска

Двајца од повредените во автобуската несреќа денеска се транспортираат во Македонија

Мери Јордановска

ДНК-анализите, изјавите од сведоците и документацијата за автобусот се предадени на бугарското обвинителство

Мери Јордановска

Османи за бугарската НОВА: Тоа што се случи покажува дека сме најблиски соседи, блиски пријатели и можеме да си помагаме и во добро и во лошо

Ана Ололовска