Ништо ново во Комисијата за труд и социјална политика. Талат Џафери продолжува со маратонското ораторство, чита Устав, Охридски договор, закони , и се, како што вели , за да го блокира носењето на Законот за бранители на нивниот коалициски партнер ВМРО-ДПМНЕ.
Атмосферата ја дополнуваат и низата процедурални забелешки на пратениците на ДУИ, кои бараат да не работи комисијата, кога има пленарна седница.
СДСМ предложи, во интерес на ефикасноста и за да не се трошат залудно народни пари, дискусиите да се ограничат на 10 минути, но пратениците на ВМРО-ДПМНЕ ова не го прифатија.
Веќе трета недела трае седницата, и без надеж дека е можен епилог. Талат Џафери дискусиите ги надоградува и со молчење.
За ВМРО-ДПМНЕ, тоа е деловничко право, а за опозицијата смислено сценарио на ВМРО-ДПМНЕ и на ДУИ, законот да не дојде на пленарна седница, а и едните и другите да го билдаат сопствениот рејтинг.