Не е само Талат, албанското знаме беше поставено во сите кабинети во изминативе години

Од:

Албански знамиња во кабинетите имало во сите изминати години. На сите фотографии од министрите Албанци посебно во изминатите десет години, во нивна позадина или пред нив стои покрај македонското и албанското знаме.

Вчера имаше жестоки напади поради тоа што Талат Џафери на првиот работен ден во кабинетот на претседателот на Собранието постави покрај македонското и знаме на Албанија и на Европската унија. И тоа беше вест, поголема од таа дека Џафери конечно успеа да го почне првиот рабтен ден.

Според досегашните снимки и фотографии, Талат Џафери не направи ништо ново што дотогаш и не беше пракса. До сега никој не се бунтуваше и не го критикуваше поставувањето на албанското знаме во кабинетите на сите досегашни министри и сите функционери. Тоа дури не се ни забележуваше.

Но вчера, по сите настани можеби и најточно е дека не беше моментот за поставување на било какво знаме на масата во кабинетот на претседателот на Собранието. Тоа се вика политички сенс, и слушање на гласот на граѓаните дека е доста од поени со националистичка политика и конечно стартување на едно ново, граѓанско општество ослободено од националозми, грбови, знамиња и територии.

Би можело да ве интересира

Гаши: Мнозинството останува стабилно, Владата и парламентарното мнозинство ќе работат со полн капацитет

(ВИДЕО) Филипче: Историски се задолжуваме за шест милијарди евра, Владата крие детали

Касами е категоричен дека нема преговори за рокади со министерствата

Разрешница за промените во Владата по заминувањето на Таравари ќе има следната недела

Нема да има реконструкција на Владата, ќе има смена на министри

Катерина Ѓуровски

Делегациите на оваа власт сѐ повеќе наликуваат на свадбени патувања со државна логистика, Левица реагира на владината посета на Јапонија