Националната демократска преродба, преку соопштение се огласи во јавноста, изразувајќи жалење за ниското ниво на јавно комуницирање на ДУИ преку лица кои хулиганството од стадионите го пренесуваат и во политичкиот речник.
„Ја разбираме бедата на ДУИ која, во недостиг на аргументи, нема што да им понуди на Албанците освен неуспесите да ги прикаже како победи.НДП не е одговорна што ДУИ изгласа закон за намалување на националното знаме, а потоа истиот го симнува од јарболите. НДП не е одговорна што ДУИ не може да смени имиња на четири училишта затоа што законите кои таа ги изгласа не го дозволуваат тоа;НДП не е одговорна што албанската химна се употребува приватно, и нејзиното интонирање не е уредно со закон“, велат од НДП.
НДП, укажуваат, не е одговорна што ДУИ, цела деценија ги лаже борците на ОНА и се однесува како кога го егзекутираат Харун Алиу од заседа, а неговите другари кои требаше да бидат амнестирани, умираат во неразјаснети околности во затворите на државава.
НДП не е одговорна што на ДУИ, речникот на Црвенковски им е последно алиби за да ја продолжи тендерската љубов со Груевски, велат во соопштението.
„Ја разбираме загриженоста на ДУИ поради значителното зголемување на рејтингот на НДП, дури и во анкетите на “Павел Шатев“, институт близок до партнерот на ДУИ, ВМРО-ДПМНЕ, а и поради фактот што таа на секој изборен циклус губи по четири пратеници (не сметајќи ги тука бошњаците) оди кон целосна пропаст“, стои во соопштението.