НДМ: За Илинден, ВМРО-ДПМНЕ и СДСМ радоста ја претворија во голем срам за Македонија и Македонците

Од:

За НДМ и македонскиот народ голема беше радоста и возбудата вчера по повод двата историски илиндена – 113 години од почетокот на Илинденското востание и 72 години од Првото заседание на АСНОМ.

Меѓутоа, тоа што требаше да биде радост се претвори во голем срам за Македонија и Македонците.

ВМРО-ДПМНЕ и СДСМ и за најголемиот национален празник се раководеа од тесно-партиските наместо од националните и државните интереси.

Присутните Македонци на Мечкин Камен во Крушево црвенеа пред странските гости од дипломатскиот кор кога Зоран Заев при доаѓањето беше исвиркан по задача од активисти на ВМРО-ДПМНЕ, а активисти на СДСМ подоцна гласно и недолично довикуваа за цело време на говорот на премиерот Емил Димитриев.

Маските паднаа. Дефинитивно се виде дека кај ВМРО-ДПМНЕ и СДСМ отсуствува способноста да направат разлика што значи политичи натпревар каде се дозволени меѓусебни конфротации, а што значи национален и државен интерес каде треба да зборуваат во еден глас.

Затоа, по изборите кои се на повидок, нека дојде политичка структура која ќе ужива доверба од народот и ќе направи проблемот со делбите и недостатокот на патриотски и државнички капацитет како наследство од ВМРО-ДПМНЕ и СДСМ, да биде проблем на минатото, реагираат од НДМ.

Би можело да ве интересира

Државна делегација предводена од потпретседателката на Собранието, Весна Бендевска во манастирот Прохор Пчински

Сиљановска-Давкова од Мечкин Камен: Македонската држава не е стебло без корен, таа е вкоренета во демократските и хумани визии на Гоце Делчев и неговите соборци

Одбележување на 2 Август, Илинден – Денот на Републиката

Предраг Петровиќ

Мицкоски: Илинден нека обединува и потсетува каква држава треба да оставиме на генерациите по нас

Одбележување на Илинден во Крушево, Пелинце и Скопје

Предраг Петровиќ

Бендевска наместо Гаши на Пелинце и во Прохор Пчински за Илинден

Катерина Ѓуровски