Навивачите кои чекаат на скопскиот аеродром да ја пречекаат екипата на Вардар, извикуваа навреди кон телевизиската екипа на МТВ.
“МТВ шиптари”, “МТВ мафија” извикува толпата навивачи. Револтот на навивачите е бидејќи МТВ не ги емитуваше натпреварите од Лигата на шампионите во ракомет, каде Вардар го освои првото место.
Натпреварите се следеа на интернет и странските телевизии.
Во изминатиот период кон МТВ беа упатени низа негативни коментари бидејќи не склучи договор со ЕХФ за емитување на натпреварите, поради како што велат, неповолните услови од финансиски аспект. Секако вина за тоа немаат новинарските екипи кои го следат пристигнувањето на ракометарите.