Амбасадорот Васко Наумовски, македонскиот претставник во разговорите за спорот за името, денеска изјави дека предлозите изнесени од медијаторот Метју Нимиц се далеку од достоинствено решение.
-Нашата држава има име, тоа е Република Македонија, името што е во основата на нашиот идентитет. Исто така, денес во 2018 година никој не може да го негира постоењето на македонскиот народ и македонскиот јазик. Од страна на медијаторот денеска беа презентирани некои идеи за коишто сметам дека излегуваат од оваа рамка и дека се далеку од едно достоинствено решение, но, сепак, овие предлози ќе бидат презентирани пред државно-политичкиот врв и истиот ќе може да заземе став по ова прашање, рече Наумовски за телевизија Сител.
Тој изјави дека не е оптимист за решавање на спорот за името со Грција.