„За да не ме прашувате одделно, еве да ви кажам, Илиевски 106 гласа, јас 86 гласа. Премногу и од Европа“, вака на ФБ искоментира Наташа Габер-Дамјановска, по веста дека Јован Илиевски е избран за судија на Европскиот Суд за човекови права.
Комисијата за избор на судии пред 10 дена откако разговараше со тројцата кандидати од Македонија во Париз со тесно мнозинство и даде предност на уставната судијка Наташа Габер Дамјановска, како најквалификуван кандидат пред Јован Илиевски, шефот на обвинителството за организиран криминал. Третиот кандидат, актуелниот амбасадор во Ватикан, Звонимир Јанкуловски не доби препорака од Комисијата.
Според Европската конвенција за човекови права, при изборот на судија главен услов е тие да бидат со висок морал и со квалификации за оваа висока судска функција .