Насилници малтретирале цело семејство во Белимбегово поради наводен долг на синот

Од:

Полицијата уапсила тројца жители на населбата Илинден, кои минатата ноќ насила влегле во дом на нивен соселанец што наводно им должел пари, кршеле низ куќата и физички го нападнале него и уште двајца членови на неговото семејство, кои се повредени. Во инцидентот е ранет еден од напаѓачите, кого 52-годишниот стопан на куќата го повредил во самоодбрана, соопшти полицијата.

„На 17.05.2021 полициски службеници од СВР Скопје ги лишиле од слобода С.В.(21), П.Ѓ.(19) и С.М.(26), сите од нас.Илинден, постапувајќи по пријава според која во 01.45 часот, заедно со Н.П.(26), со употреба на сила влегле во домот З.П.(52) во нас. Илинден, почнале да ја оштетуваат покуќнината и физички ги нападнале З.П., К.П. и Л.П.. Според пријавеното, З.П. во самоодбрана со остар предмет го повредил Н.П., кој бил пренесен во Комплексот клиники „Мајка Тереза“ за укажување лекарска помош, a З.П., К.П. и Л.П. биле пренесени во Градската општа болница „Св.Наум Охридски“. Како што стои во пријавата, причина за нападот е наводен долг на К.П. кон напаѓачите“. се вели во полициското соопштение.

Пријавените лица се приведени во полициска станица и по целосно документирање на случајот против нив ќе бидат поднесени соодветни пријави, додаваат од МВР.

Би можело да ве интересира

МВР: Уапсени се две лица, одземено е товарно возило, запленета е стоката

МВР: На социјалните мрежи се појавија лажни објави за телефони, апелираме да не кликнувате на такви објави

За 48 часа МВР „подели“ 1.293 казни на возачи и пешаци

Во акција на МВР и АНБ: Запленето електронски докази, оружје и куршуми

Нападнат полицаец на Водно

AA: ВМРО предлага вработувања во полицијата “без оглас” и “без правична застапеност”, ВЛЕН ги брани