Цело министерство за екологија добило наредба да ги напушти работните места и да се приклучи на контра-демонстрантите пред Собранието на Република Македонија.
Истото се случува и со другите министерства и целата администрација.
Демант на објавена информација во одредени медиуми
„Министерството за животна средина и просторно планирање најостро ја демантира информацијата пласирана во некои медиуми дека „цело„ Министерство за животна средина и просторно планирање добило наредба да ги напушти работните места и да се приклучи на контра-демонстрантите пред Собранието на Република Македонија. Ова е само една манипулација со која некои медиуми сакаат да ја дискредитираат работата на Министерството и да се употреби во дневно политички цели. За таа цел уште еднаш потенцираме дека вакви изјави штетат на угледот на Министерството и на вработените кои се професионални во своите обврски“, се вели во демантот.