Полицаец бил физички нападнат вчера при обид на пајак службата да подигне возило кое било непрописно паркирано на бул. „Крсте Мисирков“ кај скопски Бит пазар.
МВР информира дека инцидентот се случил синоќа околу 18,00 часот. При обид да биде подигнат автомобил „мерцедес“ со скопски регистарски ознаки настанала вербална расправија меѓу полицаецот и Р.С.(29) и И.С.(31) од село Елово. И.С. притоа физички го нападнал полицаецот удирајќи го со тупаници во пределот на главата и телото.
И.С. и Р.С. се приведени во полициската станица Бит пазар и против нив, по целосно документирање на случајот ќе биде поднесен соодветен поднесок.