Под паролата „Доста е! Стоп за насилството врз медицинарите!“, здравствените работници најавија протест кој ќе се случува в среда на 18 септември, со почеток во 11 часот.
Собирот како што велат организаторите ќе биде последна опомена и изразување на нивниот револт, а доколку државата не преземе итни мерки за да ги заштити, организирано ќе престанат со работа се до решавање на овој проблем.
Асоцијацијата на специјализанти и млади лекари бараат итно донесување на закон за докторска дејност, законско изедначување на напад на медицинар со напад на полицаец и итно и сериозно организирање на служби за обезбедување во секој здравствен објект.