Над 3.600 првачиња добија флуоресцентни елечиња за безбедно движење во сообраќајот, во рамки на акцијата „Безбедни првачиња“ што како дел од проектот „Заедно за поголема безбедност во сообраќајот“ во изминатите два месеца ја спроведе Триглав осигурување.
Целта на акцијата беше зголемување на безбедноста на првачињата во сообраќајот и подигнување на нивната свест за важноста на внимателното движење.
Акцијата „Безбедни првачиња“ што беше спроведена во 50 основни училишта низ цела Македонија, имаше и краток едукативен дел за основните правила во сообраќајот.
– Употребата на безбедносни елеци придонесува кон поголема видливост на најмладите во сообраќајниот метеж, а со тоа и кон нивна зголемена безбедност. На овој начин сакаме да придонесеме кон подигнување на свеста и кај возрасните учесници во сообраќајот, да забележат дека има деца секаде околку нас и оти треба крајно внимателно и одговорно да се однесуваме во сообраќајот, за поголема безбедност на сите, изјави главниот извршен директор на Триглав Осигурување, Ѓорѓе Војновиќ.