Началникот на Генералштабот на АРМ генерал-потполковник Методија Величковски денеска во хрватскиот приморски град Сплит ќе присуствува на дваесеттата Конференција на началници на генералштабови на армиите од земјите – членки на САД-Јадранската повелба (А-5).
Главна тема на конференцијата на земјите-членки на А5 ќе биде „Подобрување на интероперабилноста и заеднички приод кон партнерските цели/ целни можности преку комбинирана обука и вежба“.
За време на конференцијата, генералот Величковски ќе има свое обраќање, а ќе оствари и повеќе билатерални средби со учесниците.
На конференцијата покрај началниците на ГШ на армиите на земјите членки на САД-Јадранската повелба (Македонија, Хрватска, Албанија, Босна и Херцеговина и Црна Гора) ќе учествуваат и претставници од европската команда на армијата на САД, командата на НАТО во Неапол и командантите на националните гарди од сојузните држави на САД кои се партнери на земјите од А5. Како набљудувачи ќе присуствуваат НГШ на ВС на Словенија и командантот на косовските безбедносни сили, соопшти ГШ на АРМ.
