Во четири очи во период од 3 месеци се реализирани набавки во вредност од 5,8 милиони евра.
Поништени се дури 30% од тендерите на државните институции додека во 60% од нив немало повеќе од двајца понудувачи.
Во извештајот од мониторингот на јавните набавки на Центарот за граѓански комуникации, утврдено е дека во 45% од тендерските постапки не се применува задолжителната електронска аукција.
Слабости се констатирани и во изборот на понудите и тендерски документации како и тешките критериуми за исполнување.
Во овој период бизнисмените се пожалиле дека државните институции фаворизираат дел од фирмите. Со што се загрозува основната цел на тендерите – за потрошените буџетски пари да се добие најдобрата вредност.
Од Центарот за граѓански комуникации апелираат „надлежните институции да воспостават отворен дијалог со бизнис-секторот за надминување на констатираните проблеми и за прилагодување на системот на јавни набавки кон потребите и на договорните органи и на фирмите“.