На владина седница усвоена Предлог-програма за реализација на Планот за чист воздух

Од:

Владата вечерва на 116-та седница ја усвои Предлог-програмата за реализирање на Планот за чист воздух за 2019 година, која се заснова на четири компоненти: мерки за директно справување со причините за загадување; градење на јавната свест од предучилишна до пензионерска возраст; регулаторни промени неопходни за транзиција кон енергетски систем со ниска емисија и имплементација на платформа за координација и следење на реализација на програмата.

– Програмата за намалување на аерозагадувањето ја утврдува и намената на обезбедените средства во висина од два милиона евра. Парите ќе се наменат за финансирање на замена на постојните нееколошки системи за греење во домаќинства, градинки, основни и средни училишта, здравствени објекти и административни објекти во најзагадените градови во земјата, како и за набавка на пречистувачи за воздух во внатрешни простории во градинки, основни и средни училишта, здравствени објекти и административни објекти, соопшти владината прес-служба.

Во акцискиот план за намалување на аерозагадувањето за 2019 година се вметнати и иницијативи на три граѓански организации коишто се однесуваат на изработка на посебна веб-страница, каде што на едноставен начин ќе бидат набројани сите мерки кои треба да ги спроведат државните институции и на инсталирање филтри во малите и средните претпријатија, особено во оние од дрвната дејност.

Би можело да ве интересира

Мицкоски: Владата го усвои Предлог законот за соодветна и правична застапеност

Горан Наумовски

ВМРО-ДПМНЕ и партнерите ќе одбележат една година власт пред платото на Владата

ВЛЕН: Следната недела се затвора историска рана, ќе биде донесен законот за правична застапеност на Албанците

Владата ја усвои новата Стратегија за конфискација на незаконски стекнат имот

Ребалансот на буџетот треба да биде на владина седница најверојатно во четврток

Повредените и семејствата на починатите во трагедијата во Кочани не се сами, порача Владата