На ТМФ интернационална школа за обука на докторанди

Од:

На Технолошко-металуршкиот факултет (ТМФ) во Скопје денеска ќе биде отворена Втората SARCOS COST Аction– RILEM школата за обука на докторанди (2nd SARCOS COST Action – RILEM Doctorate Training School), со наслов „Современи материјали и технологии базирани на неоргански врзива“ што ќе трае до 7 септември.

Ќе се одржува на две локации и тоа од 2-ри до 5 септември на ТМФ во Скопје и на 6-ти и 7 септември во Конгресниот Центар на УКИМ во Охрид во рамки на COST Акцијата: CA15202 – Self-healing as prevention repair of concrete structures – SARCOS (Самозалекување како превенција за поправка на бетонски структури).

Опфаќа теоретски дел што ќе се реализира на ТМФ и експериментален во лабораториите на Институтот за земјотресно инженерство и инженерска сеизмологија, Заводот за испитување на материјали и развој на нови технологии „Скопје ” АД Скопје и Цементарница УСЈЕ, АД Скопје – ТИТАН, како и теренска настава со посета на рудникот и фабриката за гипс на КНАУФ – Радика во Дебар.

На школата е пријавено учество на околу 40 студенти од 15 земји (Израел, Данска, Холандија, Белгија, Унгарија, Италија, Естонија, Турција, Грција, Србија, Велика Британија, Шпанија, Португалија, Украина и Бразил) вклучувајќи и докторанди и млади истражувачи од Република Македонија.

Учесниците со своите научни презентации (постер презентации и дискусии) ќе бидат оценувани од професорите-учесници, а предвидено е доделување на по три награди за техничка содржина и за технички формат. Воедно и самите учесници ќе можат да го изберат најдобриот постер од сите ученици. Школата ќе заврши со евалуација на учесниците, пришто ќе добиваат пет кредити (ЕКТС).

Би можело да ве интересира

СДСМ предлага отворање медицински факултет во Битола, ВМРО-ДПМНЕ смета дека нема услови

МОН: Поради голем интерес до 25 декември може да се аплицира за финансиска поддршка за учениците

Осум важни достигнувања за осум години: Иновации на Бреинстер што го менуваат образованието

Горан Наумовски

Септемвриските плати во основното и средното образование ќе бидат повисоки за 15 oтсто

МОН ветува – ниту еден наставник нема да биде отпуштен, ниту ќе добива помала плата

А1он

Егзодус во Прилеп: 300 деца отпишани од училиште за шест месеци поради селење во странство

Катерина Ѓуровски