Царинските службеници од граничниот премин „Табановце“ спречиле обид за нелегално внесување на златен накит вреден околу 30 илјади евра, информираат од царинската управа.
Според податоците, на 31 јануари годинaва, на граничниот премин „Табановце“, службениците извршиле претрес на лицето Т.М. – македонски државјанин пријавен за влез во Република Македонија. При претресот, во предниот лев и десен џеб од јакната која лицето ја носело на себе, царинските службеници пронашле непријавен златен накит, две лири и употребуван рачен часовник ROLEX-TUDOR, завиткани и врзани во чорапи. Според првичното вештачење, вредноста на златниот накит се проценува на над 29 илјади евра.
Инспектори од Одделението за истраги при Царинска управа утврдиле дека осомничениот златниот накит го купил од Италија каде привремено живеел и работел, по цена од 20 евра за еден грам. Против осомничениот била поднесена кривична пријава за сторено кривично дело „криумчарење“.