На Мијалков му одредија датум од кога ќе почне да преспива во струшкиот затвор

Од:

За 17 дена, Сашо Мијалков ќе треба да се пријави во затворот во Струга кој е од отворен тип, за издржување на казната затвор во траење од три години. Охридскиот суд вчера го доби предметот, а веќе денеска, изработи и упатен акт за ексдиректорот на УБК кој се пресели во Охрид, истиот ден кога се спогоди и призна вина во „Империја“. Тој на 8-ми август, треба да отпочне со издржување на казната.

dobivaj vesti na viber

Со оглед дека станува збор за затвор од отворен тип, но и тоа што Мијалков е вработен и работно ангажиран, тој во установата ќе ги поминува само ноќите, односно ќе преспива. Преку текот на денот, тој може да оди на работа. Викендите пак, доколку дозволи директорот на затворот, може да ги зема за слободни и наместо во ќелија, да биде на слобода. Со оглед дека станува за затвор од отворен тип, Мијалков има право и на годишен одмор, како привилегија која му се овозможува.

Доколку Мијалков не ја сменеше адрсата, ќе требаше казната да ја издржува во затворот во Шутка, според висината на казната. Од скопски Капиштец, тој се сели во Охрид. Приложил и валидна адреса, по што барањето му било одобрено. Предметот „Империја“ исто така допатувал во охридскиот Основен суд. Од МВР, посочуваат дека промената на живеалиште е направена согласно законот.

Во затворот во Струга, казна издржуваше и Зоран Милески-Кичеец осуден за „Рекет“, а со промена на адреса, за „Империја“ издржува и бизнисменот Орце Камчев.

Сашо Мијалков има и неправосилни пресуди за „Трезор“ однсоно набавката на британска опрема за следење на електронската комуникација за УБК од осум години затвор и 12 години затвор за „Таргет-тврдина“ односно масовното нелегално прислушкување во Македонија. Тоа се вкупно 20 години затвор. Двете пресуди се пред скопска Апелација, а за нив нема да има одлука пред судската ферија односно пред септември.

Би можело да ве интересира

Апелација укина пресуда за Мијалков со која требаше да лежи 8 години во затвор и во буџетот да се вратат 860 илјади евра

Кристијан Ландов

Мијалков влезе во струшкиот затвор, пред капијата дошол со куфер, без обезбедување

Горан Наумовски

Денот кога Мијалков се согласил да оди три години во затвор, сменил живеалиште во Охрид, а затвор ќе лежи во Струга

Кристијан Ландов

Од 13 години затвор, се испазари за три: Државата зема имот од 30 милиони евра на Мијалков, а не знае како го стекнал

Кристијан Ландов

Обвинителството со детален список што сè му одзема на Сашо Мијалков

Горан Наумовски

Незири: Кој го спаси Мијалков, Артан Груби или Ахмети со рускиот амбасадор?

Горан Наумовски