На „Дурмо турс“ не му е првпат да излета од пат, лани го извлекувале на Косово

Од:

На „Дурмо турс“ не му е првпат да излета од патот. Косовските медиуми лани известиле за автобус  на оваа компанија излизган на пат кон Приштина. Автобусот два дена стоел покрај автопатот.

Косовскиот портал „Дреница прес“ лани на деветти март известил дека со полиција и кранови се извлекува автобус на оваа компанија.

„Иако инцидентот се случи вчера, полицијата денес се обидува да го повлече автобусот. ’Дурмо турс’ сообраќа секојдневно од Скопје до Приштина и обратно. Не е познато дали имало повредени патници“, јавил пред речиси една година овој косовски медиум.

Министерството за транспорт и врски денес информираше дека „Дурмо турс“ има 18 линии за меѓународен превоз и 36 сертифицирани возачи, покрај меѓуопштинската линија Скопје – Гостивар на која се случи несреќата во која загинаа 14 лица.

„Дурмо турс“, според Министерството за транспорт за меѓународниот и за меѓуопштинскиот превоз, има вкупно 40 автобуси.

Министерството за внатрешни работи денес потврди дека сопственикот на „Дурмо турс“ сам себе си прави технички преглед оти покрај на туристичката агенција, Дурмиш Белули е сопственик и на станицата за технички преглед на возила „АМЗ – Гостивар“. Белули денес не сакаше да одговори на прашањата од „А1он“ за несреќата и за техничкиот преглед на автобусите.

Маја Илиевска-Пачемска

Би можело да ве интересира

Тројца повредени во сообраќајка на регионалниот пат Штип – Велес

Загина мотоциклист на автопатот Табановце – Куманово

А1он

Четири лица се мртви, а 16 се повредени во судир на украдено возило од автобус во Тексас

Горан Наумовски

Момче е тешко повредено во сообраќајка во близина на Битола

Момче загина во сообраќајка на регионалниот пат Охрид – Свети Наум

Горан Наумовски

Прекин на сообраќајот на магистралниот пат Битола – ГП Меџитлија и регионалниот пат Битола – Прилеп