Пушка од 18. и шлем од 19. век извадија од Охридското Езеро нуркачите од нуркачкиот центар „Амфора“.
Милутин Секулоски, меѓународен нуркачки инструктор, информира дека станува збор за орудие од османлискиот период, какви што извадиле во неколкуте акции реализирани со надлежните институции изминатиот период.
Пушката и шлемот се предадени на Заводот и Музеј за конзервација.
„Охридското Езеро крие уште вакви експонати, поради што се планира нова кампања која е предвидено да се реализира следната година“, смета Секулоски.
