Во последното деноноќие на 1.667 странски државјани им се издадени потврди за искажана намера за поднесување барање за признавање право на азил. Од нив 688 се од машки пол, 343 од женски, 624 се деца кои го придружуваат носителот на потврдата, а 12 деца кои патуваат без родител.
Најголем дел од нив се државјани на Сирија-786, Авганистан–411 и Ирак-470.
Од 19 јуни годинава до денеска на вкупно 384.481 странски државјани им е издадена потврда за искажана намера за поднесување барање за признавање право на азил, од кои 207.398 се од машки пол, 65.076 од женски, 93.892 се деца кои го придружуваат носителот на потврдата, а 18.115 деца кои патуваат без родител.
Според државјанството најбројни се државјаните на Сирија-214.266 потоа Авганистан-94.912, Ирак-53.862, Иран-6.231, Пакистан-5.416, Палестина-2.158, Сомалија-1.276, Бангладеш-1.253, Мароко-1.317, Конго-514, Алжир-453, Либан-434, Нигерија-279, додека останатите се во помал број.
До Секторот за азил во последното деноноќие поднесени се две барања за признавање право на азил врз основа на претходно издадена потврда за искажана намера за поднесување барање за признавање право на азил на државјани на Палестина.
Од започнувањето на издавањето на потврдите до Секторот за азил се поднесени 86 барања за признавање на право на азил врз основа на претходно издадена потврда, од кои 56 барања се од државјани на Сирија, со нив се и 23 деца кои го придружуваат родителот, потоа 13 барања од државјани на Авганистан со нив се и 14 деца кои го придружуваат родителот, четири барања се од државјани на Палестина, три барања од државјани од Пакистан и Ирак, по две барања од државјани од Мароко, Либан и Алжир (четири се деца кои го придружуваат родителот) и едно барање од државјанин на Египет.
Во ЈУ Прифатен центар за баратели на азил во дневниот регистар на баратели на азил вчера се евидентирани вкупно 26 баратели од кои 16 мажи, две жени и осум деца со придружба на старател. Дополнително, согласно член 48 од Законот за азил и привремена заштита, осум баратели на азил (двајца мажи, една жена, три малолетни лица со придружба на старател и две малолетни лица без придружба на старател) се згрижени на друго место за сместување определено од Министерството за труд и социјална политика.