Во врска со денешната изјава на дополнителниот заменик министер Љупчо Николовски, Министерството за земјоделство, шумарство и водостопанство уште еднаш ќе потсети дека министерот Михаил Цветков веднаш по стапувањето на должност формираше посебна Комисија за „Јапонската помош“.
– Бидејќи се работи за обемен материјал, а имајќи предвид дека средствата од јапонската помош се реализирани преку неколку јавни повици и тоа почнувајќи од 1997 година, потребен е подолг период за прибирање на валидна документација, наведуваат од Министерството и додаваат дека по завршувањето на работата на Комисијата, ќе се има целосен увид во документацијата, по што ќе ги објават официјалните информации.
Информираат дека наводното писмено информирање на 30.09.2015 година – не постои, односно таква писмена информација не е доставена до министерот Цветков.