ХЕК „Југохром“ воопшто не почнал со реализација на шест од вкупно 29 задолженија од Оперaтивниот план за усогласување со А-интегрирана еколошка дозвола за која доби прологирање на рокот до 31 октомври годинава.
Ова е утврдено при денешната посета на Комбинатот од страна на ресорниот министер Нурхан Изаири, директорот на Државниот инспекторат за животна средина Фирус Мемед и стручни лица од Министерството.
Меѓу непочнатите активности, како што соопшти Министерството за животна средина, е и изградбата на системот за отпрашување.
При посетата е направен мониторинг на спроведувањето на задолженијата од Оперативниот план за усогласување со А- интегрираната еколошка дозвола. Министерот Изаири воедно извршил увид на работењето на системот за прочистување на отпадни води од депонијата на историскиот индустриски отпад од Југохром како и на прочистителната станица која е дел од овој систем и утврдил дека е во функција, соопшти по средбата Министерството за животна средина и просторно планирање.