Министерството за внатрешни работи на Република Македонија реагира на Фејсбук статусот претседателот на ВМРО-ДПМНЕ, Христијан Мицкоски, кои напиша дека специјалци упаднале во домови на активисти на опозициската партија.
„Министерството за внатрешни работи ги демантира дезинформациите изнесени од страна на г-динот Христијан Мицкоски преку социјалната мрежа Фејсбук за наводни упади во домови на активисти на ВМРО-ДПМНЕ поради, како што вели, нивното незадоволство од она што се случува во државата.
Полицијата, по смената на раководството во 2017 година, работи професионално и само и исклучиво врз основа на законите. Согласно законските надлежности се преземаат различни акции, но ниту една не е мотивирана од политички мотиви туку исклучиво за санкционирање на одредено криминално делување, со цел подобрување на безбедноста на граѓаните. На тој начин полицијата ќе продолжи да работи и во наредниот период, се со цел граѓаните да се чувствуваат безбедно“ се вели во реакцијата на МВР.