МВР издаде 1.706 потврди за барање азил

Од:

Министерството за внатрешни работи изминатите три дена, врз основа на измените и дополнувањето на Законот за Азил, издаде 1.706 потврди за искажана намера за поднесување на барање за признавање право на азил во Република Македонија на странските државјани кои илегално влегле на нашата територија.

Во периодот од 19 јуни до 13 јули во 8 часот, сооппшти МВР, издадени се потврди на 12.175 странски државјани, од кои 9.265 се од машки пол, 1.549 се од женски пол, 1.271 се деца кои го придружуваат носителот на потврдата, како и уште 90 деца кои патуваат без родител, на кои им е издадена потврда за искажана намера за поднесување на барање за признавање на право на азил.

Според државјанството на лицата на кои им се издадени потврди, најбројни се државјаните на Сирија – 8.592, потоа Авганистан – 1.043, Ирак – 657, Пакистан – 453, Сомалија – 349, Палестина – 325, Конго – 243, додека останатите се во помал број.

Од започнувањето на издавањето на потврдите до 13 јули до Одделението за азил се поднесени 32 барања за признавање на право на азил врз основа на претходно издадена потврда , при што 23 барања се од државјани на Сирија за азил од нив шест за деца, потоа три барања од државјани од Пакистан, по две барања од државјани од Мароко и Алжир и по едно барање од државјани од Египет и Ирак.

Во ЈУ Прифатен центар за баратели на азил во дневниот регистар на баратели на азил за 13.07.2015 година се евидентирани 25 баратели на азил, од кои 16 баратели на азил се мажи, 2 баратели на азил се жени и 7 баратели на азил се малолетни лица. Од вкупниот број баратели на азил кои се присутни во ЈУ Прифатниот центар, евидентирани се 2 баратели на азил со повреди на долните екстремитети (двајца мажи), додека пак бремени барателки на азил како и малолетни лица без придружба на старател не се регистрирани во ЈУ Прифатниот центар.

Би можело да ве интересира

Кривична пријава за членка на Судски совет, 15 пати зела парти за превоз, а ќерка и имала стан во Скопје

Катерина Ѓуровски

МВР: Од 12 октомври нов систем за влез/излез од ЕУ, со што сè треба да се подготват патниците

Горан Наумовски

Пијаните возачи ќе одговараат кривично, заострување на казните

Ги нападнале овчарски кучиња, се качиле на столб за мобилна телефонија – спасени белгиски планинари во Ценар Жупа

Катерина Ѓуровски

ДУИ: Еднојазичните униформи не се само облека

Руското МВР тврди: Регистрирани се 10 обиди за терористички напади за време на локалните избори