Одделението за превенција при СВР Скопје од денеска почнува да го спроведува проектот „Не оставајте вредни предмети во вашиот автомобил“.
Активностите ќе почнат денеска во 13 часот на улицата „Народен фронт“, во непосредна близина на трговскиот центар „Беверли Хилс“.
Во текот на ноември и декември во соработка со Општина Центар ќе се реализираат активности поврзани со оваа кампања. Ќе се организираат тематски средби со месните и урбаните заедници на подрачјето на општината и ќе се дистрибуираат флаери со пораката „Не оставајте вредни предмети во вашиот автомобил“.
„Основната цел на кампањата е подобрување на општата безбедност на граѓаните и имотот, односно преземање превентивни мерки и активности за подигање на свеста кај граѓаните и споделување на одговорноста во насока на превенција од тешки кражби во патничките моторни возила“, соопшти МВР.
