„Што се однесува до 27 април, ќе ви кажам неколку збора, Крсто Мукоски за таа несвесна грешка што ја направи си го одлежа своето. Жалам што такви како тебе, кои што ги упатуваа горе луѓето да го направат тоа што го направија, а ќе ве потсетам на една изјава што беше дадена од сведок кој што во моментов е во бегство, не го барајте Љубе Арнаудов, качете се горе, цела е Заев. Жалам што такви како тебе не одговараат“, вака му реплицираше Мукоски на Милошоски кој го прозва дека отворил вратата на 27 април, а потоа се здружил со СДСМ.
Мукоски додаде дека партијата е под заложништво на неколку криминалци кои ја претвориле во радикална партија како на Шешељ.
„Вие сте типичен пример за уплашен човек, криминалец кој треба да одговара пред законите. Жал ми е за партија што заради неколку такви се претвори во партија како Златна Зора или радикалите на Шешељ“, реплицирaше Мукоски.