Муцунски: Комплетна реконструкција на „Патрик“ – местото каде растеа голем број генерации од Аеродром, сега добива нов и модерен изглед

Од:

Комплетна реконструкција на „Патрик“ – местото каде растеа голем број генерации од Аеродром, сега добива нов и модерен изглед

Активностите за подобрување и модернизирање на спортската инфраструктура продолжуваат и во текот на оваа есен. Општина Аеродром започна со реконструкција на познатото игралиште „Патрик“, лоцирано зад трговскиот центар „Три Бисери“. Станува збор за комплетна реконструкција на вкупна површина од 1600 квадратни метри која треба да заврши во текот на декември, а се наоѓа на локацијата каде пораснале голем број генерации и која значи многу за луѓето кои живеат во Аеродром.

По завршување на активностите, Аеродром ќе добие целосно ново повеќенаменско игралиште за фудбал и ракомет на површина од 800 квадратни метри, кошаркарско игралиште на површина од 400 квадратни метри и инклузивно детско катче на површина од 400 квадратни метри.

Градоначалникот Муцунски говорејќи за реконструкцијата на спортското игралиште, на својата Фејсбук страна потенцираше дека Аеродром е убава општина и граѓаните го препознаваат тоа.

„Преку континуираните инвестиции ја потврдуваме нашата решеност да создадеме подобри услови за спорт и рекреација, места за нови спортски успеси и таленти“, истакна тој во својата објава.

Би можело да ве интересира

Заслугата за новото училиште и новата градинка е на Градоначалникот Муцунски и пратениците од ВМРО ДПМНЕ реагираат од Општина Аеродром

Николова: Доградбата и надградбата на ОУ Блаже Конески е капитална инвестиција на Владата, а не на Муцунски

Левица: Муцунски ги извиси спортските клубови во Општина Аеродром

Општина Аеродром: Коалицијата СДСМ и Арсовска продолжува да шири лаги и дезинформации

Муцунски: Преку континуирани инвестиции во нова опрема обезбедуваме подобри услови за учениците во Аеродром

Муцунски: Со силна заложба и континуирани инфраструктурни инвестиции до поубава и помодерна општина Аеродром