Египетското обвинителство официјално побара од Македонија и од Албанија да проверат дали екс претседателот на Египет, Хосни Мубарак има недвижен имот и банкарски сметки во Македонија и во Албанија.
Барањето од египетските власти е поради тоа што се сомневаат дека 84-годишниот Мубарак и 47 поранешни претставници и членови на семејството, дел од нивните средства ги трансферирале во Македонија и во Албанија.
Сомненијата се дека 47 лица блиски до Мубарак, чиј идентитет им е познат на правосудните органи, со злоупотреба на властите во период од 1982 до 2010 година стекнале имот вреден 185 милијарди долари.