Министерството за труд и социјална политика демантира дека бил избришан јавно достапниот регистар на педофили и посочува дека само имало технички проблеми со отворањето. За ова, посочуваат од МТСП, била информирана компанијата што работи на одржувањето на регистарот, по што проблемот бил отстранет и тој е повторно достапен.
– Во јавноста се појавија шпекулации дека наводно бил избришан јавно достапниот регистар на педофили, за што Министерството за труд и социјална политика информира дека во текот на два дена имаше мали технички проблеми со отворањето на регистарот за лица осудени за педофилија, се вели во денешното соопштение од МТСП.
Оттаму информираат дека Министерството за труд и социјална политика има склучено Договор за одржување на регистарот со компанијата „Бруникс“ од Скопје, каде случајот е пријавен и регистарот за лица осудени за педофилија е повторно достапен.