Полицијата извести дека вчера во 14.50 часот во ОВР Гостивар било пријавено дека на крстосница на кеј „Братсво – единство“ со улица „Панче Попоски“ во Гостивар се случила сообраќајна несреќа помеѓу возило „форд“ управувано од Е.Д.(30) од гостиварски Балиндол и мотоцикл „јамаха“ управуван од Ј.И.(36) од Гостивар.
Во несреќата со тешки телесни повреди се здобил малолетен сопатник на мотоциклот, додека мотоциклистот се здобил со телесни повреди, констатирани во Медицински центар во Гостивар. Увид на местото на несреќата извршила екипа од ОВР Гостивар.