Москва објави дека рускиот министер за надворешни работи Сергеј Лавров и американскиот државен секретар Антони Блинкен нема да се сретнат на состанокот на ОБСЕ во Северна Македонија оваа недела.
Лавров ќе дојде во Скопје откако Бугарија дозволи прелет на неговиот авион. Тој посочи и дека некои западни земји побарале средби со него.
Од руската инвазија на Украина во февруари 2022 година, средбите во живо меѓу руските министри и министрите на западните земји се ретки.
Заменик-министерот за надворешни работи на Русија Сергеј Рјабков изјави дека Вашингтон не побарал средба, „нема да побара и нема да има средба“, пренесува Тасс.
Состанокот на ОБСЕ, кој има 57 членки, се одржува на 30 ноември и 1 декември.