Според најновите информации од СВР Велес, 23-годишниот Адиљ Сулејмани од велешкото село Бузалково бил убиен со нож.
По извршениот увид е утврдено дека во пределот на градите на момчето има две убодни рани од нож, што значи дека не се работи за рани од оружје, како што претходно беше соопштено од полицијата.
Портпаролот на СВР Велес Анита Стојковска информираше дека телото на убиеното момче по наредба на јавен обвинител е предадено на обдукција во Судска медицина во Скопје.
Мртвото момче било најдено од неговиот татко денеска околу пладне во приколка на нивни плац во близина на Ветеринарната станица во Велес.
