Македонското министерство за надворешни работи апелира да се избегнува патување во регионите зафатени од пожари во Грција. Од МНР информираат дека засега нема македонски државјани кои се обратиле за помош.
„Заради пожарите кои се случуваат во областа Атика, во околината на Атина, препорачуваме државјаните на Република Македонија да избегнуваат патувања во тие региони.
Ги информираме граѓаните дека засега македонски државјани не се обратиле за помош во нашето Дипломатско конзуларно претставништво Атина. Поради пожарите во Грција е прогласена вонредна состојба.
Воедно, информираме дека контакт телефонот на Дипломатско конзуларно претставништво на Република Македонија во Атина е 0030 694 474 3071“ се вели во соопштението на МНР.