Министерството за надворешни работи ги достави вербалните ноти до Обединетите нации (ОН) со кои информира за настанатите промени со името на земјава.
Како што посочија од МНР испратена е вербална нота од Постојаната мисија до Протоколот на ОН, потоа испратена е и вербална нота од Постојаната мисија до земјите членки и земјите набљудувачи на ОН, како и вербална нота од Министерството за надворешни работи до сите меѓународни, мултилатерални и регионални организации, со кои се информира за настанатите промени.