Министерството за надворешни работи на Република Македонија во изминатите денови презеде конкретни активности во насока на надминување на проблемот со блокадата на граничниот премин Евзони, на македонско-грчката граница.
Како што информират од МНР, упатена е протестна нота до грчкото Министерство за надворешни работи во која се бара да биде решен проблемот во најбрз можен рок.
Писмо, како што додаваат оттаму, е упатено и до Европската комосија во кое, МНР потенцира дека со тековната блокада на граничниот премин се крши Спогодбата за стабилизација и асоцијација со ЕУ која ја има потпишано и Грција и гарантира слобода на движење на стоки и луѓе.
Истовремено, Министерството за надворешни работи од Албанија побарало понуда за условите за користење на пристаништето во Драч со цел непречен извоз и увоз и задоволување на потребите на македонските компании.
Граничниот премин Евзони, на македонско – грчката граница е блокиран од страна на грчките земјоделците од 30- ти минатиот месец.