МНР: Не се констатирани злоупотреби на службените возила во Министерството

Од:

Од Министерството за надворешни работи преку писмено соопштение ги демантираат информациите за злоупотреба на службените возила.

„Дозволете уште еднаш да потврдиме дека во Конечниот извештај за извршена ревизија на регуларност на искажаните трошоци за службените возила во МНР за период од 01.08 до 31.10.2021 год., НЕ СЕ КОНСТАТИРАНИ злоупотреби, и оттаму нашата реакција дека таков Извештај, во кој се констатирани неправилности – не постои“, се наведува во соопштението од оваа институција.

„По доставувањето на барањето од ДКСК за „ад хок“ ревизија, Одделението за внатрешна ревизија изготвило ПРЕТХОДЕН ИЗВЕШТАЈ за извршена ревизија на регуларност на искажаните трошоци за службените возила во Министерството за надворешни работи за период од 01.08 до 31.10.2021 год. со бр. 58-9205/22-1 од 21.03.2022 година. Во овој претходен извештај наведени се 4 препораки по кои МНР треба да постапи во определен рок.

Во истиот период, Владата донесе нова Одлука за начинот на користење и одржување на службените возила бр. 214 од 15.09.2021 година. Врз основа на одредбите на оваа Одлука и препораките од Претходниот извештај, донесoвме ново Упатство на начинот на користење, управување и одржување на службени патнички возила на МНР број 05-11071/22-1 од 05.04.2022 година, кое што целосно е усогласено од Одлуката на Владата и препораките од Извештајот.

Согласно старото и новото упатство, mинистерството во континуитет се грижи за службените возила и истите редовно се одржувани, сервисирани, регистрирани и осигурувани.

Оттука, дозволете да потврдиме дека како Министерство имаме соодветно одговорено на наведените прелиминарни констатации, по што на крајот на КОНЕЧНИОТ ИЗВЕШТАЈ јасно стои дека целосно или делумно е постапено по сите четири препораки, и особено важно дека при проверката не е констатирано дека има злоупотреба на службени возила во партиски цели.

Како дополнителна потврда на ова тврдење, самиот Извештај на ревизијата има констатирано дека во наведениот период нема зголемена потрошувачка на гориво, напротив, има помала просечна потрошувачка искажана преку финансиските извештаи и покрај тоа што Министерството немало намалени службени активности во тој период“ стои во официјалната реакција од МНР.

Би можело да ве интересира

По страотниот земјотрес во Турција, МНР е во контакт со македонската Амбасада во Анкара и Конзулатот во Истанбул

Османи: Секој бугарски граѓанин е добредојден, но мора да се однесува со почит кон нашата држава и кон македонскиот народ

Ана Ололовска

МНР: Безбедносните органи сериозно да ги земат предвид изјавите на Џамбаски и да донесат одлука за негов ограничен пристап во земјава

Ана Ололовска

Османи: Кој ќе ги навреди Македонците среде Скопје, веќе нема да влезе во Македонија

Анита Петровска Рајковиќ

(ВИДЕО) Османи го посети тепаниот во Софија: Нема да дозволиме провокатори да ни ја диктираат агендата

Анита Петровска Рајковиќ

МНР: Немаме надлежност за управувањето со хакираната страница на Мисијата на ОБСЕ