Основци и средношколци денеска во Домот на млади во Штип беа дел од креативна работилница.
Тие со отпадни матерјали како што се хартија, текстил и пластика изработуваа предмети, кои што можат да се користат во еден дом.
Дијана Јованова член на Советот на млади на Општина Штип вели дека работилницата е во рамките на одбележување на Денот на креативноста и иновацијата.
– Целта е да ја подгнеме свеста кај младите, да ги рециклираме отпадните материјали од текстил, весници и пластика. Да изработат дела од кои понатаму можат да се искористат, како предмети, кои можеме да ги користиме во нашето секојдневие, рече Јованова.
Организатор на настанот е Советот на млади во соработка со Американското катче од Штип.