ВИДЕО: Млади иноватори од Кочани ќе ја претстават Македонија на светски натпревар во Детроит

Од:

Ученици иноватори од Кочани ќе ја претстават Македонија на светски натпревар што ќе се одржи во Детроит, САД.

Тие ќе го презентираат своето иновативно решение – робот што извршува задачи од областа на хидродинамиката. Роботот во облик на коцка е составен од лего коцки и содржи четири мотори и три сензори.

Учениците и нивните ментори се надеваат на успех и велат дека следната нивна цел е ова натпреварување да го донесат во Македонија.

Авионските карти за патување до Детроит се обезбедени со финаниски средства од Фондот за иновации и технолошки развој, а од Владата најавуваат дека ќе продолжи поддршката за сите млади креативци и иноватори.

– Младите иноватори покажуваат на дело дека во Македонија може да дизајнираат и создаваат големи дела. Ги повикувам сите млади да создаваат и креираат во нашата Македонија. Притоа, се обврзувам дека Владата ќе продолжи да ја интензивира поддршката за иновации, информатичка технологија, развој и дигитализација на Македонија, истакна премиерот Зоран Заев, кој денеска се сретна со тимот ученици и нивните метори.

Од Фондот за иновации и технолошки развој веќе работат на посебна програма за грантови за млади истражувачи со кој се очекуваат 15-20 нови проекти.

– Сите млади луѓе во оваа држава треба да ги препознаат можностите што ги нуди Владата и Фондот за да останат и да ги развиваат своите креативни, критички и иновативни потенцијали. Ние ќе го финансираме тоа и сега, а уште повеќе во наредниот период, затоа што сметаме дека креатививниот потенцијал и критичкото размислување е она што треба да ги движи државата и економијата напред, рече директорот на Фондот, Јован Деспотовски.

Младите иноватори од Кочани претходно го имаат освоено првото место на натпревар во Србија со што се пласирале и на АДРИА лигата во Словенија каде исто така биле наградени.

Би можело да ве интересира

Се запали куќа во Кочани: Пожарникарите спасија повозрасна жена, три лица завршија во болница

Горан Наумовски

(ВИДЕО) Костова: Мицкоски гази по достоинството на родителите на жртвите, излезе на виделина суровоста и ароганцијата

(ВИДЕО) Тренчевска: СДСМ поднесе амандман за обезбедување 1,2 милијарди денари за поддршка на настраданите во трагедијата во Кочани

(ВИДЕО) Кузеска: Владата ќе потроши 1,8 милиони евра на кампања за ЕКСПО во Белград, а нема пари за Кочани и за пожарникарите

Горан Наумовски

Support Kocani: Денес пристигна и беше донирана втората пратка компресивна облека на Општата болница во Кочани

Горан Наумовски

Нови амбулантни возила и изградба на Центар за изгореници предлага Левица со амандмани кон ребалансот