Бугарите во Македонија не се слободни граѓанин, тврди претседателот на „Бугарскиот културен клуб“ – Скопје, Лазар Младенов во интервјуто за бугарскиот весник „Труд“.
– Гонењето е придружна компонента на бугарштината. Не може да си Бугарин од Македонија, и да си слободен граѓанин, вели Младенов.
Претседателот на БККС, во интервјуто открива дека постојано добива закани по животот.
– Заканите се дел од нашиот живот, почнувајќи од оние за ликвидација по атентатот врз Глигоров, до оние од пред неколку дена – дека ме чека затвор, вели Младенов, додавајќи дека нивните активисти, вклучувајќи ја и неговата сопруга добиле отказ затоа што се чувствуваат како Бугари.
Младенов открива дека за целата ситуација е информиран и известувачот на ЕУ за Македонија Ричард Ховит, кому ми доставиле обемен извештај за сите регистрирани случаи на малтерирање на Бугарите во Македонија. Сепак, според претседателот на БКК, голем дел од случаите не се пријавени бидејќи луѓето се плашат од власта./МЕТА