26-годишна жителка на Кичево нападнала полицаец кој вршел претрес во нејзиниот дом по наредба на судија, при што биле пронајдени повеќе пакувања со марихуана, соопшти МВР.
„Надворешната канцеларија за криминалистички работи Кичево, поднесе кривична пријава против Љ.М.(26) од Кичево, поради постоење основи на сомнение за сторени кривични дела „неовластено производство и пуштање во промет наркотични дроги, психотропни супстанции и прекурсори“ и „напад врз службено лице при вршење работи на безбедност“, велат од МВР.
„При претрес извршен во нејзиниот дом на 06.05.2021 година, полициските службеници пронајдоа и одзедоа 23 пакувања и една кеса со марихуана. Притоа, таа нападнала полициски службеник“, се додава во полицискиот билтен.